Qezaya Qilabanî ya Şirnexî, dewa Roboskî de bi bombardûmanê teyarayanê şerî yê Tirkîya de 17yê ci gede 34 welatîyî ameybî qetilkerdiş. Serekê Pêroyî yê CHPyî Özgür Özel, bi wesîleya serrgêra nê serebûtî yew parekerdiş kerd.
"Dej û hesîrî bêziwan ê"
Özelî peyamê xo de nê îfadeyî şuxilnay:
“Ez 34 hemwelatîyanê ma yê sivîlan ê ke 14 serrî verê cû Şirnex-Qilaban (Roboskî) de bi bombardûman ameyî qetilkerdene, bi rehmet yad kena. Ziwan, dîn û nijadê dejan û hesiran çin o. Her dej, dejê Tirkîya yo. Tazîyeyê ma zî şayîya ma zî wertax ê.”
"Tabloyê şermî"
Özelî îzah kerd ke kiştoxî hema zî yenê pawitiş û wina dewam kerd: "No qirkerdişo ke hema kiştoxê ci yenê pawitiş, tarîxê nêzdî yê Tirkîya de sey yew şermî vinderte yo. Ma do kişta mexdûran de bimane. Ma do pîya edalet bîyare nê welatî."
