Ewro roja 24ê Temûze ya û 100 serrî verî na roje Paytaxtê Îswîçre Lozanî de Kurdî hetê dewletanê serdestan ra bîyê çar perçe û mîyanê welatanê sey Tirkîya, Îran, Sûrîye û Iraqî de ameyî barekerdiş.
24ê Temûza 1923î de, yanê 100 serrî verê cû na roje Îswîçre de mabênê dewletan de pîyameyîşêk ame îmzakerdiş û bi nê pîyameyîşî heqê Kurdan ame çînkerdiş û Kurdî bîyê çar perçe.
Bi nê pîyameyîşî miletê Kurd konferansî de temsîl nêbi, hetêk ra zî qederê milletê Kurd ame tayînkerdiş û milletê Kurd û welatê ey çîne hesibîya.
17ê Gulana 1639î de, bi pîyameyîşê Qesrî Şîrîn, o ke mabênê Osmanî û Safewîyan de ame îmzekerdiş de welatê kurdan bibi 2 parçe. Bi Pîyameyîşê Lozanî ke sey teyîdkerdişê Qesrî Şîrîn o, Kurdî na rey mabênê çar dewletan de ameyê barekerdiş û welatê Kurdan bibi welatêko kolonî yê mîyandewletî.
Pîyameyîşê Lozanî 24ê Têmuza 1923î de bi destê Brîtanya, Fransa, Îtalya, Japonya, Yewnanistan, Romanya, Yûgoslavya û Tirkiya şaristanê Lozanî de ame îmzakerdiş.
100 serrîya Pîyameyîşê Lozanî de Kurdî na wesîla ra protestoyanê cîya bi cîyayan tertîp kenê û Pîyameyîşê Lozanî qebûl nêkenê, protesto kenê.
