Hemşaredarê Bajarê Girdî yê Amedî Selçuk Mizrakliyo ke herinda ci de qeyûm amebi tayînkerdiş û çend serrîyo ke hepisxane de yo, newe ra cezaya 9 serran û 4 aşman û 15 rojan dîyaya ci.
Vera Sulçuk Mizrakliyî çarçewa vatişanê îtîrafkere Hîcrane Berna Ayverdî de pê îdîaya ''endamîya rêxistine'' Mehkemeya Cezaya Girane ya Amedî de dewa amebî akerdene û Selçukluyî rê 9ê adare de cezaya zîndanî ya 9 serran û 4 mengan û 15 rojan amebî dayîş.
Mehkemeya Berze seba ke cipersayîşê ci kêm o cezaya hepsî xeripnabî. Dewa newe ra amey vînayîş. Bi îfadeyê şahîdê aşkerayîyî Umit Akbiyikî îdîaneme newe ra ame hazirkerdiş. Dewa de newe ra eynî ceza amey dayîş û qerarê dewamê tepiştişê Mizrakiliyî ame dayîş.
