Qezaya merkezî ya Eyyubîye ya Rîha de, lejê bi kerra û sopeyan ê mabênê cîranan de yew kes merd, 5 kesî zî birîndar bîyî.
Mehlaya Eyyubkentî de, munaqeşeyo ke mabênê cîranan de bi sebebêko hema nêzanaya dest pêkerd, demêko kilm de açarîya lej.
Bi xeberdayîşî ser, herême rê tîmê weşîye û polîsan ameyî şawitene.
6 kesê ke birîndar bîbî, hetê tîmanê weşîye ra neqlê Nêweşxaneyê Perwerde û Cigêrayîşî yê Rîha bîyî.
Birîndaran ra Îsa Elkatmişo 72 serre, nêweşxane de pa heme mudaxaleyan zî nêeşka bixelisîyo û weşîya xo vîndî kerde.
Cenazeyê Elkatmişî, Sazgehê Tibê Edlî yê Rîha de karanê otopsî ra dima, teslîmê merdimanê ey bi.
Tîmanê polîsan, seba tepiştişê ê kesanê ke tewrê lejî bîyê, dest bi xebate kerde.
