Dîyarbekir de Rojnameger Fuat Bulut hetê merdimanê karsaz İsmail Şanlıyî ra ame derbkerdiş.
Goreyo ke ame zanayîş şewa bîne rojnameger Fuat Bulut û karsaz Îsmail Şanlı resepsîyonêk de masayêk de ronişte bî. Înan mîyanê xo de qisey kerdo, Fuat Bulut bi yarenî tira vato " ti zaf bêxem î, ayra ti extîyar nêbenî." La Îsmail Şanli nê vitişê ey xelet fehm kerdo.
Goreyê vatişanê Fuat Bulutî wexto ke o şîyo pastaxaneyêk Şanli ci rê telefon vato, to senî mîyanê cimatî de mi ra vato ti bêxem î, ey rê heqeret kerdo û tehdît kerdo. Wexto ke şîyo otoparkê pastaxenyî dîyo ke 2 merdimê Îsmail Şanlıyî uca de yê û ê merdimî bi kardî esto ey ser.
Nê hêrişê merdimanê karsaz Îsmail Şanlı ra dima rojnamegero ke ame derbkerdiş wedarîya nêweşxane.
Heto Bîn ra sazîyê Rojnamegeran DFG û GGC zî bi beyanatêk hêrişo ke rojnamegerî rê bîyo şermezar kerd.
