ZAZAKÎ NEWS - Tirkîya de, gazo tebîî (doğal gaz) yo ke keyeyan de yeno şuxulnayene %24,6, yê sektorê sanayî zî %7,86 vay bi.
Sazîya Nizimkerdişî ya Bazarê Enerjîye (EPDK) derheqê vaykerdişê gazê tebîî de eşkerayîyêke vila kerde.
Goreyê eşkerayîye, çarçeweya hedefanê butçeyî de fîyatê gazê tebîî ameyo newekerdene û no vurnayîş ewro ra dest pêkeno.
Sazîya Nizimkerdişî ya Bazarê Enerjîye (EPDK) eşkerayîya xo de wina va:
"Çarçeweya fîyatê gazê tebîî de yo ke Şîrketê Petrolî û Xetanê Borîyan (BOTAŞ) bewlî kerdo, gazo tebîî yê keyeyan %24,6 û yê sektorê sanayî zî %7,86 vay bîyo."
