Çarçewaya tehqîqatê vera Beledîya Şîleyî de, Serekê Beledîye Ozgur Kabadayi zî di mîyan de, 6 kesî ameyî destbendkerdiş.
Hetê Buroyê Cigêrayîşê Sucanê Teror û Organîzeyan ê Serdozgerîya Komare ya Anadolî ya Stenbolî ra, vera Beledîya Şîleyî bi îdîayê sucanê sey "seba sucî awankerdişê rêxistine", "îrtîkab", "ruşwet" û "fesadî teykerdişê îhaleyî" tehqîqat ame destpêkerdiş.
Ekîbê polîsan, talîmatê serdozgerîye ser o Beledîya Şîleyî ser o operasyonêk viraşt. Netîceyê operasyonî de Serekê Beledîye Kabadayi zî di mîyan de, 6 kesî ameyî destbendkerdiş.
Ame vatiş ke karê îfadeyî kesê ke ameyî destbendkerdiş, emnîyet de dewam kenê.
Ozgur Kabadayi kam o?
Serra 1979 de Stenbol, Şîle de ameyo dinya. Pîyê ey Mustafa Kabadayi dewa Şîleyî Yaylali ra yo, maya ey Hatîce Kabadayi zî dewa Şîleyî Akçakese ra ya. Ozgur Kabadayîyo ke mektebo yewin, werte û lîse Şîle de wendo, nika perwerdeyê xo Fakulteya Îşletmeyî ya Unîversîteya Anadolîye de dewam keno.
Kabadayi Şîleyî de ronişeno, zewijîyaye yo û babîyê di domanan o. Weçînayîşanê herêmîyan ê 31ê Adara 2024î de, sey Serekê Beledîya Şîleyî ame weçînitiş.
