Klasîkê edebîyatê Kurdkî, romanê nuştoxo pîl Mehmed Uzunî "Siya Evînê", êdî bi Zazakî zî reseno wendoxanê xo. Kitab, hetê Alî Aydin Çîçekî ra açarîyayo Zazakî û bi nameyê "Sîya Eşqî" hetê Weşanxaneyê Avesta ra ame weşanayîş.
Romano ke 224 rîpelan ra yeno pê, qapaxê ey ser de nuşteyê nuştoxo namdar Yaşar Kemalî ca gêno. Yaşar Kemalî, derheqê hunerê romannuştoxîya Mehmed Uzunî de hîs û fikrê xo wina ardibi ziwan:
“Wexto ke mi romanê Mehmed Uzunî wend zaf bîya şaş û menda, ziwanê romanêkê yewinî wina bi westayîye, wina bi ziwanêkê dewlemendî, ser de zî bi ziwanêkê wina averşîyayeyî bi senî qayde ameyo nuştene. Nê karî de, qabîlîyetê Mehmedî û helbet rolê kulturê ey o hîrayî est o. Memed her çî ra ver ziwanê kurdkî û edebîyatê ci baş zaneno. Ziwanê tirkî û edebîyatê tirkî zî baş zaneno. Badê zî ver çarneno dinya, kultur û edebîyatê dinya zî nêzdî ra baş fehm keno. Bi nê awayî zî, Mehmed seba ziwanê kurdkî beno siud û talîh.
Romanê ‘Binê Sîya Eşqêkê Vîndîbîyayeyî de’ romanêkê bi westayî yo. Mi cor ra nuşt ke Mehmed zî bi nê romanê xo berê ke romannuştoxê ci ra derbaz bîyê, o zî ci ra derbaz bîyo.”
