Semedê Bendawê Silîvanî Herêma Gelîyê Godernê ya ke mabênê Licê Hezro û Pasûr de ca gêna yena çîne kerdiş.
Dewijî û şarê dorûverî zî semedo ke wa tebîatê înan nêro çînekerdiş xo ver danê.
No hewtê Ekolojîstê Kurdan (Hereketê Ekolojî yê Mezopotamya) semedo ke viraştişê Awbendê Silîvanî û talankerdişê Gelîyê Godernê protesto bikerê şîyê Herêma Gelîyê Godersê .
Xeylê ciwanî, ekolojîstî u sendikayî û temsîlkarê partîyanê sîyasîyan beşdarê çalakîye bîyî.
Labelê Rayîre Gôdernê de cendermeyî nêverdayê wa grûbe şêro cayê pîrdê Gôdernê. Grûbe zî yew beyanat da û hem muhameleyê cendermeyan hem zî talankerdişê tebîetî şermezar kerd.
Nameyê Platformê Demokrasî û Kede yê Amedî ser o Serhat Çakmakî beyanat wend û va ke, “Ma ewro waşt Godernê de beyanat bide la ma ameyî astengkerdiş. Nıo çem hezaran serrîyo ke tîya ra herîkiyeno. No çen keyeyêpêrûna ganeyan o. la bi bahaneyê viraştişê bendawî tîya yeno çînekerdiş. Ma do wayîrê tebîatê xo vejîyê. Xoza tena kerra û awkê niya. Viraştîşê Awbendan ra dima dewî benî veng û koçberîye bena. Hewceyê Awbendî hetê Enerjî ra çin o. Herême de 50 dewî estî. Nê dewî do bêrê vengkerdiş. Ma ney qebûl nêkenê.
Beytullah Özdemir / Amed
Zazakî News
