Ermenîstan de, bi akerdişê se ra 48,22ê sindoqanê weçînayîşanê parlamentoyî, Partîya Peymana Sîvîle ya ke serekê ci Serekwezîr Nikol Paşînyanî o, bi girewtişê se ra 50,89ê rayan vernî de ya.
Goreyê malumatan; Komîsyona Berze ya Weçînayîşî netîceyê weçînayîşî yê ke 1161 sindoqan, eşkere kerdî.
Goreyê netîceyanê verênen se ra 48,22ê sindoqanê ke ameyî akerdiş; Partîya Peymana Sîvîle se ra 50,89ê rayan girewtî û weçînayîş de yewin a.
Paşînyanî da zanayîş ke netîceyê weçînayîşanê parlamentoyî yê 7ê hezîrane, bê ke îhtîyacîya bi koalîsyonêke bibo, selahîyet û destûr dano Partîya Peymana Sîvîle.
Paşînyanî va ke partîya ey goreyê weçînayîşanê parlamentoyî yê serra 2021î paştgîrîyêka hîna zêde girewta.
