Mudurîya Pêroyî ya Meteorolojî (MGM) da zanayîş ke xeylê herêmanê Tirkîya de do varan û vewre bivaro û seba ney îqaz kerd. Pawîyêno ke bajaranê herême de zî vewre bivaro.
Goreyê texmînanê MGMî, hetê zereyî yê Behra Sîyaye, hetê rojhelatî yê Anatolîyaya Rojhelatî û Anatolîyaya Başûr-Rojhelatî û xeylê cayanê bînan de do varan bivaro.
Ame vatîş ke variş do zafane sey varanî bibê, la herêmanê berzan sey hetê zereyê Behra Sîyaye û hetê bakur û rojhelatî yê Anatolîyaya Rojhelatî de do sey vewre bivaro.
Bajaranê ma rê zî îqaz esto
MGM; seba bajaranê sey Dêrsim, Xarpêt, Meletî, Çewlîg, Semsûr, Mereş, Amed, Êlih, Sêrt, Şirnex, Mêrdîn, Riha, Dîlok û Kilîsî de îqazê varişî kerd.
Seba bajaranê sey Erdexan, Qers, Îdir, Agirî, Wan, Colemêrg, Erzirom, Mûş, Bidlîs û Erzinganî de zî îqazê vewre ame kerdene.