ZAZAKÎ NEWS - Wîlayetê Amedî de, di karkerê ke yew înşaat de şuxulyêne, qata 5ine ra kewtî war û merdê.
Vizêr, karkerê bi nameyê Harûn Aksel û Ahmet Şîmşek wexto ke înşaat ser o şuxulyêne, dengaya xo vîndî kerd û kewtî war. Agahdarî ser o, polîs û ekîbê weşîye şîyê cayê hedîseyî.
Her di karkerî zî, giran birîndar bîbî, şawîyayê nêweşxane. Ame vatene ke Harûn Aksel eynî roje, wefat kerd. Ahmet Şîmşek zî yew roje badê, ewro nêweşxane de ganê xo da.
Bîlançoya giran a cinayetanê karî
Meclîsê Pawitiş û Weşîya Karkeran (ISIG), eşkere kerdbî ke aşma Gulana 2025î de Tirkîya û Bakurê Kurdîstanî de tewr tay 177 karkerî kar ser o merdê.
Goreyê raporê ISIGî, panc aşmanê emserî de zî hûmara karkerê ke merdê, 796 a. Mergê karkeran tewr zaf sektoranê înşaatî, zîretî, neqlîyat de qewimîyayê.
