ZAZAKÎ NEWS - Bîlançoya şîdetî ya hezîrane: Camêrdan 14 cinîyî kiştî, bi desan cinî û tutî rastê şîdetî ameyî!
Goreyê raporê şîdetê camêrdan ê aşma Hezîrane yo ke hetê bianetî ra ameyo amadekerdene, camêrdan aşma Hezîrane de tewr tay 14 cinîyî û 4 tutî kiştê. Unca zî, bi desan cinî û gedeyî rastê şîdet, tacîz û îstîsmarî ameyê.
Raporo ke goreyê xeberanê ke rojnameyanê herêmîyan û neteweyîyan, keyepelanê xeberan û ajansan ra ameyo arêdayîş, bîlançoya tarîye ya şîdetî ana verê çiman.
Bîlançoya şîdetê aşma Hezîrane:
- Cinayet: Tewr tay 14 cinîyî û 4 domanî hetê camêrdan ra ameyî kiştene.
- Şîdet: Tewr tay 68 cinîyan rê şîdet ameyo kerdene.
- Îstîsmarê Domanan: Tewr tay 18 domanê kênekî û lajî ameyê îstîsmarkerdene.
- Tacîz: Tewr tay 18 cinîyî ameyê tacîzkerdene.
- Bi zorî karkerîya seksî: Tewr tay 128 cinîyî mecbûrê karkerîya seksî ameyê kerdene.
Unca zî, rapor de ame vatene ke sazîyanê çapemenîye aşma Hezîrane de seba mergê 37 cinîyan û 9 domanan vato ke "mergê bişuphe" yê. Na rewşe, nîşan dana ke hûmara raştîne ya cinayetanê cinîyan eşkena hîna zaf berzêr ba.
