ZAZAKÎ NEWS – Haşim Gûner o ke Îswêç de cuweno û semedo ke tetîlê xo yê hamnanî bivîyarno ameyo şaristanê xo Çolîg, qezaya Darahênî de wayîrê xoza vejîyeno. Gûner çopê reqîweran kişta rayîrî de da arê.
Gûner, wexto ke kişta yew dewe ra vîyartêne, ferq kerd ke kişta rayîrî pêro bîyo çop. Ey torbeyê çopî girewt xo dest û dormele kerd pak.
Gûner, şûşeyê plastîkî, cam, poşetî û çopê cîya-cîyayî ê ke arêdaybî, kenarê rayîrî de mojna û seba pawitişê dormeyî de mesajêk da hemwelatijan.
Gûnerî îzah kerd ke, pakkerdişê dormeyî tena wezîfeyê beledîye û saziyanê kamuyî nîyo û wina va: “Gerek her kes wayîrê mesulîyetî bo. Wexto ke ma şinê yew welato xerîb, ma xîreto ke uca de seba dormeyî mojnenê, gerek wîlayetê xo de zî bimojne.”
