ZAZAKÎ NEWE – Bi destpêkerdişê serrgêra newîye ya perwerdeyî ya 2025-2026, newe ra babeta heqê perwerdeyî yê bi ziwanê dayîke ameye rojdem.
Sendîkaya Karkeranê Perwerde û Zanistî (Eğitim-Sen), Komela Cigêrayîşî ya Zanistanê Komelkî ya Kurdan û Komela Cigêrayîşê Ziwan û Kulturê Mezopotamya (MED-DER), bi beyanatêko pîya veng da şarî û seba çalakîya xo ê dawet kerdî.
Afîşo ke ame hadrekerdiş de “Perwerdeyo bi Ziwanê Maye Heqê Heme Gedeyan o. Emser reyna bi mîlyonan gedeyî heqê xo yê perwerdeyê bi ziwanê dayîke ra dûrî dest bi wendegehî kenê.” ame vatiş.
Eşkerayîya pîya de wîna ame vatiş.
“Emser reyna milyonan reyde gedeyî bê ziwanê xo yê maye dest bi wendegehî kenê. 8ê Êlule, Roja Dişeme sey MED DER û Egitim Senî ma ko bi waştişê Perwerdeyê Bi Ziwanê Maye verê Muduriyetê Perwerdeyî yê Şaristanî de, saet 16î de beyanatê çapemenîye bide. Ma pabeyê heme kedkaranê çapenenî yê.”
Çalakîye, 8ê Êlule, roja dişeme saete 16:00 de do verê Midurîyetê Perwerdeyî yê Şaristanî yê Dîyarbekirî de bêro viraştiş.
Enwer Yılmaz
