ZAZAKÎ NEWS – Dîyarbekir de heqê nanî ame vaykerdiş. Ewro ra tepîya nanê pide û lavaş yê 420 gram do bi 25 TL bêrê rotiş.
Odaya Firindaran a Dîyarbekirî, seba ke heqê nanî bêro vaykerdiş muracatê Walîtîya Dîyarbekirî kerdbi.
Badê muracatî qerar ame girewtiş û pêro şaristan de heqê nanî ame zêdekerdiş. Fîyato newe, 8ê Êlula 2025î ra tepîya dest pêkeno.
Goreyê eşkerayîya resmî, nanê pide û lava yê 420 gram do bi 25 TL bêrê rotiş. Fîyatê nanê somunî û cînsanê sey ey ê 210 gramî zî sey 12,50 TL ame bewlîkerdiş.
Lîsteya fîyatan a newîye wina ya:
- Nanê pide û lavaşî yê 420 gramî: 25,00 TL
- Nanê somunî û cînsê ci yê 210 gramî: 12,50 TL
- Sîmît, poğaça û berhemê winasî yê 90 gramî: 15,00 TL
- Nanê hamburger û tostî yê 100 gramî: 6,00 TL
Heqanê pewtişî de zî zêdeyayîş virazîya. Seba mîro ke hemwelatijî anê firin û danê pewtiş zî ame vaykerdiş.
- Heqê pewtişê lahmacunê 70 gramî: 12,00 TL
- Heqê pewtişê yew nanê keyeyî: 8,50 TL
