ZAZAKÎ NEWS - Çewlîg de, aşma Gulane de 108 qezayanê trafîkî de 145 kesî birîndar bîyî.
Serekîya Trafîkî ya Mudirîya Pêroyî ya Emnîyetî, bîlançoya qezayan a aşma Gulane ya Çewlîgî eşkere kerde. Goreyê hûmaran, sûke de 108 qezayê trafîkî ameyî meydan, ke netîce de kes nêmerd la 145 kesî birîndar bîyî. Nê qezayan ra 71 hebî bi birîndaran, 37 hebî zî tenya bi zerarê maddî peynî bîyê.
Xetayê şofêran ê ke tewr zaf benê sebebê qezayan, wina ameyî rêzkerdene:
- Riayetnêkerdişê şertanê ke rayîr, hewa û trafîk wazenê.
- Qewşax, derbazgeh û cayanê teng an de riayetnêkerdişê heqê verênî yê derbazbîyayîşî.
- Riayetnêkerdişê qaydeyê teqîbkerdiş û vurnayîşê şerîdî.
- Pey ra pirodayîş, riayetnêkerdişê qaydeyanê çerexîyayîşî.
- Kewtişê cayanê ke tabela "Wesayîtî Nêkewenê" estê.
- Derbazgehanê peyayan û mekteban de hêdî nêşîyayîş û heq nêdayîşê peyayan.
- Bi reqî (alkol) ramitişê wesayîtî.
- Leza zaf pîle
- Cayanê ke vîyartiş qedexe yo, uca ra vîyartiş.
- Parkkerdişo xeta yan zî cayanê qedexeyan de parkkerdiş.
