ZAZAKÎ NEWS - Qezaya Çewlîgî Darahênî de, adiro ke yew erdê ramite de vejiya, bi sebebo ke bi desan donim erd bibo wele.
Goreyê agahîyan, hedîse wextê şanî de ame meydan. Sebebo ke hema nêzanîyeno ra, hêgayêkê xeleyî de adir vejiya. Dima ke welatîyanê dormeyî kil û dûman dîy û xeber daye, ekîbê Îtfaîyeyê Şaredarîya Darahênî û Mudirîya Karê Daristanî herême rê ameyî şirawitiş.
Adiro ke demêko kilm de bi desan doniman rê vila bi, bi mudaxeleyê ekîban gêrîya binê kontrolî û bi temamî ame hewnakerdiş.
Derheqê sebebê vejîyayîşê adirî de cigêrayîş ameyo destpêkerdiş.
