Dadîya futbolbazê Amedsporî demê kaykerdişê maçî de, wexto ke lajê xo temaşe kerdêne hetê polîsan ra amey girewtiş. A, bi bahaneyê "demê cenayişê marşê îstîklalî de ronişte bîya" ra ameya giretiş.
Amedsporo ke Lîgê Diyînî yê Federasyonê Futbolî yê Tirkîya de kay keno, hewteyê 12. de sahaya xo de Etîmesgut Beledîyesporî dir ame têver.
Maç Stadyumê Tahîr Elçîyî de ame kaykerdiş û bi hezaran teredarê Amedsporî paştî daye taximê xo.
La pêhesîya ke dadîya kaykerdoxê Amedsporî Oktay Aydinî Fatma Aydin wextê maçî de seba ke merşê îstîklalî de nêwerişta we ameya girewtiş.
Badê pêhesîya ke Fatma Aydin neqlê mudirîya polîsan bîya û badê girewtişê îfadeyî veradîyaya.
