16ê Adara 1988Î de bi fermanê serekkomarê Îraqî Sedam Husên o verên asmênî ser ra bombeyê kîmyewî erzîyay Helebce ser.
36 serrî verî, roja 16ê Adara 1988î de, bajarê Başurê Kurdistanî Helebçe hetê rejîmê Seddam Husênî ra bi bombayanê kîmyewîyan ame bombardumankerdene û 5000 kesî ra zêdêr kurdî ameyî qetilkerdene û bi hezaran kesî zî birîndar bîy. Zafanê nê qurbanîyan doman, cinî û pîr bîy.
Helebçe de tena 5 000 hezar merdimî nêamey qetilkerdiş, hetêkî ra wijdanê merdimîye zî ame qetilkerdiş. coka no, Jenosîdê Helebçeyî sucêkê merdimayî yo.
Gama ke Helebçe de no jenosîd ame kerdene, çi heyf ke seraser heme dewletê îslamî, dewletê herême û heme dewletê erebî, Yewîya Sowyetan, Japonya, Çîn, dewletê Ewropa û Dewletê Yewbîyayeyî yê Amerîka (DYA) zî bêveng mendî û çimê xo no qirkerdiş û jenosîdî rê girotî. Dinya vera Jenosîdê Helepçeyî kor, kerr û lal mendibî.
Çi heyf ke hema zî no jenosîd getê dewletanê dinya ra sey jenosîd nêameyo qebûlkerdiş.
Zazakî News / Enwer Yılmaz
