Hedîse roja şemeyî, 26ê êlula 2026î de dewa Zênarcikî de ameye meydan. Goreyê agahîyanê ke ameyî girewtene, wexto ke maya înan verê înan de nêbî, di wayî Nûrhayat Yuzene (11) û Fîrdevs Yuzene (9) 100 metre durîya banê xo de kay kerdêne. La virsik kewte her di wayan ser.
Kênaya 11 serrî nêxelisîyaye
vengê xurt ê birûskî ra dima dewijî resayî hewara kênayan û xeber dayî ekîbanê weşîye. Her di wayê birîndarî bi ambulanse wedarîyay Nêweşxaneyê Perwerde û Cigêrayîşî yê Gazî Yaşargîlî yê Amedî.
Nûrhayata ke rewşa aye girane bîye nêxelisîya û ewro merd.
