Esero bi nameyê “Kürd Kıyam-ı Millîsi”, yo ke hetê Dr. Mehemed Malmîsanijî ra ame amadekerdene û herfanê Erebkî ra açarîya alfabeya Latînkî, hetê Weşanxaneyê Vateyî ra ame weşanayene. No kitabo ke hetê Îhsan Nûrîyo Bidlîsijî ra serra 1925î de Bexdad de amebi çapkerdene, sey çimeyanê muhîman ê tarîxê Kurdan ra yew yeno qebulkerdene.
Kitab, beşanê ke reya verêne behsê prosesê Tirkkerdişê Kurdan (Tetrîk) kenê, ana xo ziwan. Nê ra ber, eşkera keno ke nameyo raşt ê rêxistina Azadî, Komîteya Îstîklal û Îstîhlasî ya Kurdan (Komîteya Xoserî û Xelisîyayîşî ya Kurdan) o. Eser, awanîya eskerî û îdarî ya dewrê serra 1925î ser o zî cigêrayîşan keno.
Weşanxaneyî, di belgeyê zêdeyî zî kitabî ser kerdê: Di hûmarê Rojnameya Agirî, yê ke hetê Dr. Malmîsanijî ra ameyê açarnayene herfanê Latînkî, û yew reportajo ke serra 1925î de birayê Şêx Saîdî Şêx Mehdî reyde ameyo viraştene. Ca gênê.
Kitabo ke 100 serrî dima newe ra reseno wendoxan, seba cigêrayoxan û mereqdaranê tarîxî çimeyêko zaf muhîm o. Wendoxî eşkenê kitabî Weşanxaneyê Vateyî ra temîn bikerê.
Çime: Çewlîk. Net
