Şaristananê Kurdan de mîyanê ciwanan de antişê tîryakî roj bi roj zêdîyeno.
Gazete Dersim derheqê antişê Tîryakî de hetanî nika 2 dosyayî hadre kerdî û ciwanê ke Dêrsim de tîryak (hişber) ancenê de qisey kerd.
Ciwanî vanê ke, “Ma pê pereyan hişber gênê. Eke pereyê ma qedîyê ma na rey roşenê. Xeylêk ciwanê neweyî estê ke dest bi antişê tîryakî kerdê."
Goreyê cigêrayîşî ra Dêrsim de antiş û rotişê tîryakî tewr zêde mîyanê ciwananê ke şinê Lîse de vila bîyo.
Ciwanan ra V.D. îna behsê halê xo keno “Semedê tîryakî çîyo ke ez nêkerî çin o. Eke pereye ma qedîyê ma dizdî zî kenê, torbecîtî zî kenê. Ma rey-rey şinê xebityenê û heqê tîryakî îna vejenê. Çi antiş çi rotiş ma rê ferq nêkeno.”
Ciwanan ra Y.K. hîna 17 serrî yo. Qijtîya xo ra dest bi antişê cixara kerdo û badê zî dest bi antişê tîryakî kerdo.
B.H. zî 26 serrî yo û bi serrano ke Dêrsim de esrar anceno. 15 serrîya xo de dest bi antişê madeyê hişberî kerdo.
Ciwanê ke Dêrsim de kewtê mîyanê dafa tîryakî vanê, ti nika Dêrsim de bi rehetî eşkenî her tewir hişber peyda bikî û biancî.
Çime: Dersim Gazetesi
