ZAZAKÎ NEWS - Serekkomar Recep Tayyîp Erdogan, KUllîyeya Serekkomarîye de heyetê DEM Partî pêvînayîş kerd. Pêvînayîşo krîtîk, teqrîben yew saete dewam kerd.
Heyetê DEM Partî ke mîyan de Sereka Meclîsî û Parlamentera Wanî Pervîn Buldan û Parlamenterê Riha Mîthat Sancar estbî ewro Serekê MÎTî Îbrahîm Kalin û Hetkarê Serekê Pêroyî yê AK Partî Efkan Ala û Serekkomar Erdoganî dir pêvînayîş kerd.
DEM Partî ra eşkerayîya pêvînayîşî
DEM Partî, pêvînayîş ra dima, eşkerayîyêka nuştekî vila kerd û malumat da. Eşkerayîye de wîna vajîya:
"Endamê Heyetê Îmralî yê DEM Partî, Pervîn Buldan û Mîthat Sancar, ewro bi Birêz Serekkomar Recep Tayyîp Erdoganî reyde Beştepe de pêvînayîş viraşt. Heyetê ma, derheqê asta newîye ya prosesî û gamê ke nika ra pey do bêrê eştiş de, fikr û teklîfê xo ardî ziwan.
Pêvînayîş de, ame destnîşankerdene ke seba averberdişê prosesî, îradeyo hetanî dewam keno."
