Amadekarîyê seba merasîmê çekveradayîşî yê grûba yewine ya Partîya Karkeranê Kurdîstanî (PKK) temam bîy. Bi seyan endamê medyayê herêmî û teberî, sazîyê cimatê sivîlî û beşdarî, mintiqaya ke tede merasîm do bêro viraştene, qezaya Dukanî de pawitişê xo rê dewam kenê.
Çarçewaya vengdayîşê Rayberê PKKyî Abdullah Ocalanî de yo ke 27ê Sibate de kerdbî, rêxistine ewro ra tepîya dest bi çekveradayîşî kena.
Merasîmo sembolîk o ke do qezaya Silêmanîye Raperîn de bêro viraştene, têde yew grûba ke mabênê 33 û 44 kesan ra yena pê, do yew cayo ke bellî bîyo de çekanê xo teslîm bikera.
Kamî tewrê merasîmî benê?
Goreyê agahîyanê ke ameyê girewtiş, nameyê kes û sazîyanê ke do tewrê merasîmî bibê, nê yê:
· Îdarekarê payeberzî yê Partîya Karkeranê Kurdîstanî (PKK) Bese Hozat û Mustafa Karasu,
· Temsîlkarê Mesud Barzanî, Hemîn Hewramî,
· Temsîlkarê Serekê Herêma Kurdîstanî Nêçîrvan Barzanî, Dîlşad Şahab,
· Temsîlkarê Wezaretîya Karanê Zereyî ya Iraqî,
· Temsîlkarê Wezaretîya Karanê Zereyî ya Herêma Kurdîstanî, Tuxgeneral Tarik Ehmed,
· Temsîlkarê Yewîya Welatperweranê Kurdîstanî (YNK),
· Serekê Hemparî yê Partîya Eşîtî û Demokrasî ya Şaran (Partîya DEM),
· Heyetê Partîya Herêmanê Demokratîkan (DBP) û Kongreya Demokratîke ya Şaran (HDK).
