ZAZAKÎ NEWS - Prosesê mekveardayîşî dest pêkeno: Koma verêne ya Gerîlayan Silêmanî de çekan rono!
Vervatoxê KCK Zagros eşkera kerd ke mabênê 10-12ê Temmuze de, koma ewiline ya gerîlayan do şaristanê Silêmanî yê Başûrê Kurdîstanî de çekenê xo rono.
PKKyî, aşma Gulane de kongreya xo viraşt, qerarê xo feshkerdişî, fekveradayîşêê xebata çekdarî û peynî ardişê cengê vera Tirkîya girewtbi. No qerar, badê vengdayîşê Rayberê PKKyî Abdullah Ocalanî amebi dayîş.
Vervatoxê KCKyî Zagros Hîwa, ajansê xeberan Associated Pressî (AP) rê qisey kerd û va ke gerîlayî do "binê çimdarîya rêxistinanê komelanê sivîlan û hetanê eleqedaran de" çekenê xo ronê. Ey da zanayîş ke hûmara koma verêne hema tam zelal nîya, la pawîyeno ke 20 û 30 gerîlayan bo.
PKKyî, 12ê Gulana 2025î de netîceyê Kongreya xo ya 12ine, ya ke 5-7ê Gulane de virazîyabî, eşkere kerdbi û qerarê feshkerdişî û çekronayîşî girewtbi.
