ZAZAKÎ NEWS - Qezaya Xarpêtî Maden de adirêko pîl vejîya û semedo ke adir lez vila bi, yew dewe amey vengkerdene. Seba ke verê adirî bêro girewtene, şaristanê cîranî Dîyarbekirî ra paştî ameye waştene.
Goreyê agahîyan, adir dewa Mastekî de, daristan de vejiya. Bi tesîrê vayî, kilî lez vila bîyî û bi desan donim erd demêko kilm de bi wele.
Dewe ameye vengkerdene, Dîyarbekir ra paştî şîye
Semedo ke alawî nezdiyê cayanê şarî bîyî, dewa Mastekî semedê tedbîrî ameye vengkerdene.
Herçiqas ekîbanê Xarpêtî yê Midirîya Daristanî û îtfaîye mudaxeleyo verên kerd zî, rîyê vayî ra verê adirî nêame girewtene û coka şaristanê cîranî Dîyarbekirî ra ekîbê paştîdayîşî ameyî waştene
Ame vatene ke xebata hewnakerdişî dewam kena, ekîbî seba ke adirî bi temamî hewna bikê, xebatanê xo rê dewam kenê.
