Wekîla Dêrsimî ya HDPyî Ayten Kordu TBMM de waşt ke Zazakî zî mîyanê kartvizitan de ca bigîro, la muracatê aye qebûl nêbi. Kordu vana, “Kurdkî rê muhameleyê ziwano xerib rast nîyo”
Wekîla Dêrsimî ya HDPyî Ayten Kordu waşt ke, kartvizitê ke Meclîs de dîyenê parlamenteran, wa yew rîyêkê înan de ca bidîyo Zazakî zî. Kordu semedê ney muracat kerd.
La cewabê seredayîşê aye de vajîya ke “Eke bê Tirkî ziwanêko bîn yeno waştene ganî pere bêro dayene”û seredayîş ame redkerdiş.
‘Vera ziwanan cîyakerî’
Kordu vana ke “Kurdkî (Kirmanckî-Zazakî) no welat de ziwanê hemwelatîyan o. Gere sey ziwanê xerîban nêro vînayene. Ma tîya ra zî fehm kenê ke dewlete cîyakerî kena. Ziwanê ma qebûl nêkena. No îqtîdar dişmenê her çî yo. Tehamûle ziwanê ma nêkeno.”
