ZAZAKÎ NEWS - Dêrsim de, domanêko 14 serre, dima ke werd kewt qirika ey, verba pêro mudaxeleyan zî nêame xelesnayene û wefat kerd.
Hedîse, mezraya Erdemlî ya dewa Güleçî ya girêdayeya merkezê Dêrsimî de ame meydan. Goreyê agahîyan, Ulaş T. yo 14 serre, ke bîyayîşî ra astengdar û nêweş bi, wexto ke werd werdêne, werd kewt borîya ey a nefesî.
Dima ke keyeyê ey xeber da, ekîbê 112yî şîyî mezra. Ekîban domanî rê mudaxeleyo verên uca de kerd û dima ra bi ambûlansî o berd Nêweşxaneyê Dewlete yê Dêrsimî.
Doman, nêweşxane de verba pêro mudaxeleyan zî nêame xelesnayene û wefat kerd. Derheqê hedîseyî de hetê serdozgerîya komare ra cigêrayîş ame destpêkerdene.
