ZAZAKÎ NEWS - Çolîg de, operasyonêko ke hetê ekîbanê cendirmeyan ra ame viraştiş de, 1410 lemê esrarî û yew tabançe ameyî destsernayene. Derheqê hediseyî de 1 şikbar ame tepiştene.
Walîtîya Çolîgî eşkerayîyêk da. Eşkerayîye de ame vatiş ke, "Fermandarîya Cendirmeyan a Bajarî ya Çewlîgî, seba vernîgirewtişê îmal û ticaretê madeyê serweşkerî û ramitişê îllegalî, dewa Rîz de operasyonêk viraşto.
Netîceyê operasyonî de; 1410 hebî lemê Esrarî, 1 edet tabançe, 1 heb şarjor, û 6 edetî fîşengî ameyî destsernayene.
Ame parekerdiş ke, 2 şikbarê ke eleqeya înan bi hediseyî esta, înan ra yew ame tepiştene.
dewa Rîz mabênê Darahênî û Licê de ca gêna û tim uca de esrar yeno tepiştiş.
