ZAZAKÎ NEWS - Berkîn Elvan deme Xoverdayîşê Gezîyî de bi fîşekê gazî merdbi. Polîso ke nameyê ey Fatîh Dalgali yo û bîbi sebebê merdişê Elvanî rê 16 serrî û 8 aşmî cezayê hepisxaneyî amebi birnayene. Mehkemeya Berze cezayê Dalgalî qebul kerd.
Berkîn Elvan deme xoverdayîşê Parka Gezîyî de bi fîşekê gazî birîndar bibi û 269 rojî nêweşxane de sekerat de bi. Elvan 16ê Hezîrana 2014î de merd. Dewaya Berkîn Elvanî de averşîyayîşêk virazîya.
Mehkemeya Cezayê Giranî ya Stenbolî ya 17ine 18ê Hezîrana 2021î de bi sûcdarîya "beno ke bi qesdî kiştbo" 16 serrî û 8 aşmî cezayê hepisxaneyî dabî polîso bi nameyê ey Fatîh Dalgali. Daîreya Cezayî ya Mehkemeya Berze ya yewine na cezaya ke amebi birnayîş tesdîq kerd.
