ZAZAKÎ NEWS - Beledîyaya Peyasî, bi paştîdayîşê Mudîrîya Xizmetanê Ciwanî û Sporî û Kluba Sporî ya Beledîyaya Peyasî ya Xosere, seba ke wa gedeyî bi spor keyf bikerê û rojêka weşe bivîyarnê, Dewa Kuzucukî de yew şayîya gedeyan a rengîne viraşte.
Na şayîye, şayîyanê sporî yê gedeyan ra ya pancine bî ke Beledîyaya Peyasî viraşte.
Şayîye de, çalakîyanê sey futbol, basketbol, trambolîn û gol eştiş de gedeyan hem spor kerd, hem zî keyf kerd.
Hetê beledîye ra ame vatiş ke, çalakîyê winasîyî do pêro amnanî dewam bikerê.
Çime: Şaredarîya Kayapınarî
