Mehmet Ay
Yew hewte verê ma qalê perwerde û pergale kerd. Ena pergale çi tewir bîyêne, perwerde çi tewir bibo beno rind. Yanî ma perwerde serî qalî kerd. Ma va ke, perwerde çend lez dest pê bikero hende beno weş.
Labelê eno hewte de perwerde çi tewir dayeno? Pergala ma de xetaya pîle, perwerdeyê ma teorîk o. Ma de caardiş çin yo. Eke est o tay o. Ê dewletê ke averî perwerde de qîymet danî caardiş. Çunkî pergalê perwerdeyî pît bibo hukmat zî perwerdeyî reyde bedilîyeno û perwerde zî tepîya nêmaneno. Ez vana bêrêne ma pergala xo dekeri pît. Wa perwerdeyê ma girêdeyeyê pergale bo, girêdayeyê hukmatî nêbo.
Qijê ma ameyoxê ma yî. Wa perwerdeyê ma de caardiş bibo. Eke ma perwerde bi caardişî nêde wendiş ma çi rêy nêresenî dewletanê aver şîyayeyan. Eke ma pergala xo yê perwerdeyî nêviraz û nêronişne, her ke hukmat bibedelîyo perwerde zî hukmatî reyde bedilîyeno. Eno perwerde hende bibedelîyo, gedeyê ma nêeşkenî enê perwerdeyî bigêrî û tapa manenê.
Xebera min a peyîne, ez vana ma pergala xo raşt bikere perwerdeyê ma zî raşt beno, ma perwerdeyê xo raşt bikere gedeyê ma zî raşt benî, gedeyê ma raşt bibî ameyoxê ma raşt beno.
