Selahattîn Demîrtaşî derheqê Sırrı Süreyya Onderî de mesajêk vila kerd û va, "Merdiş to rê nêame, nêbi bira."
Hetkarê Serekê Parlamentoyê Tirkîya û Endamê Heyeta Îmralî ya DEM Partî Sırrı Süreyya Onder Nêweşxaneyê Florence Nightingaleyî ke tede tedawî bîyêne de badê 18 rojan wefat kerdbi.
Hemserekê HDPyî yo verîn Selahattîn Demîrtaş ke Hepsîxaneyê Edîrneyî de tepişte yo derheqê Sırrı Süreyya Onderî de mesajêka sereweşîye vila kerde.
Selahattîn Demîrtaşî mesaja xo de wina va:
"Tena yew mezelê to çin o, ti do zerrîya des mîlyonan de bêrî nimitene. Ez şêrî kamca, rîyê xo kamca de bidî bira.
Şo, wa rayîrê to akerde bo keko can. Ti tim û tim qedirgiranê ma yî. Oxir bo bira."
