Mehmet Ay
Rojan ra êne yo û ez ha yew rayîrî de ya labelê çi rayîr o; rayîro raşt o yan çewt o bellî nîyo. Ez verê xo tayê bidî şinasnayîş. Eslê ma licê ra yo. Ma 5 birayî 2 wayî yê. Nameyê dewa ma Tewîle ya û zemanêk girêdayeyê dewa Serde bî. Badê bi xo bîye dewe. Gedeyîyê mi Tewîle de vîyart. Goreyo ke dadîya mi vana ez zaf mizir/fizul bîya qijekîya xo de la mi wendiş ra hes kerdêne.
Dewa ma de mekteb çine bi, mektebê dewa ma veyşabi. Ê semed ra ma mekteb wendişî de zaf ezîyet kaş kerd. Keyeyê ma dewe de mektebê ma Hêni de bi, ma her roje 2 saetî peyatî rayîr şîyêne.
Zaf reyî ma şîyêne ke di dersî qedîyayî. Çi kul û keder ma mekteban de dî. Tirkî vanî ma heskenî la ma seba mektebî mirenî. Êya wina bî ma merdî seba wendişî. Ez zaf derg nêkerî. Hîrê aşmî verê ez Dağkapı/Berêkoyî de bîya û ez merdimêko zerrîweş dir bîya şinas. Hîlalêk xeber da mi ra va "ziwan yew şarî temsîl keno.
Zazakî ha vîndî beno, eke ti şarê xo ra heskenî ziwanê xo bimus û bîyare mêydan. Mi zî biryar da ez ziwanê zazakî şixulîyena. Homa ma şermezar nêkero.
