Mehmet Ay
Se bi bi ma. Seba çi wina bi. Ma kokê xo vîndî kerd. Ma eslê xo vîndî kerd. Fek esl ra verade ma însanetîya xo vîndî kerd. Ma çi cax bî eno tewir ke ma ça de rayîr ra vejîyayê.
Tayê vanê televîzyon û înternetî ma rayîrî ra vetî, tayê zî vanî zemanî ma rayîrî ra vetî. Labelê qetî yew çî est o ke ma sey verê nîyê. Ma şarê xo, cîranan xo heta birayanê xo ra hes nêkenê. Heskerdiş çin ê bo xayîntî est a. Ma bi hezar serrî ha Mezopotamya de yê. Ma nê erdî kerd hêga, ma kerd merg, ma kerd bostan, ma kerd ganî, ma kerd dar û ber labelê peynîyê ma rind nêasêno.
Ez vana ke bêrêne heskerdiş, bêrêne biratî û bêrêne însanetî. Semedê des metre erdî merdim yenêkiştiş; birayî, dat û datîzayî. Ez kişta înan nîya, ez kiştê rindî ya, ez kiştê heskerdişî ya.
Şima Homayî ra tersênî? Şima heq û edelet wazenî? Meewnî herkesî ra şima beewnîyêne zerrîya xo, însanetîya xo ra. Felatîya ma ha enê rayîrî de ya.
