Paytextê Almanya Berlîn de, yew mêrdeko Afgano 28 serreyî ameyo tepiştiş. Vajîyeno ke Afgan bajarê Aschaffenburgî yê Almanya de Parka Schöntalî de bi kardî êrîş kerdo û netîce de yew mêrdek û yew domane merdê û zêdeyê 2 kesî zî bi giranî birîndar bîyê.

Şikdar cayê hedîseyî de Parka Schöntalî de ame tepişayene. Polîsan dîyar kerd ke yew mêrdeko 41 serreyî û yew domana 2 serreyî ameyê kiştene. 2 kesê bînî zî bi giranî birîndar bîyê.

F P5N V W P W Q Acz E C APolîsê herêmî raporê xo yê peyênî de îlan kerd, beno ke hûmara birîndaran zêde bibo.

Polîsan platformê Xî ra dîyar kerd ke hêrîşo ke sebebê ey hema nîno zanayene.

Zincîra Êrîşan ya Almanya

No hêrîşê bi kardî yew zaf êrîşanê şîdetî ra yo ke Almanya de tersê emnîyetî û problemê koçberî ser o zêde kerdê.

Yew doxtoro ke Erebîstanê Suûdî ra yo 20ê Kanûnê serra verêne de badê ke bi erebe eşt grûba qelebalixe ya bazarê Krîsmisî yo bajarê Magdeburgî ser, netîce de 6 kesî merdî û nêzdîyê 200 kesî birîndar bîyê, êrîşkar zî ame tepişayene. Êrîşê tewr peyên Solingenî de rojavayê welatî de qewimîyayî, wexto ke yew Sûrîyeyijo ke eleqeya ey rêxistina terorî Dewleta Îslamî (DAIŞ) reyde esta, bi kardî 3 kesî kiştî.

Aşma Hezîranî de, hêrîşêko bîn o bi kardî hetê yew afganî ra bajarê Mannheimî de virazîya, ke yew memurê polîsî yo ke waştêne hedîse rê mudaxele biko, ame kiştene.