ZAZAKÎ NEWS - Amed de, yew şofêr, semedo ke wesayîtê ey muayene ra nêvîyart, wesayîtê xo da adir ver. Adir, hetê ekîban ra ame hewnakerdiş, la wesayît bi sey wele.

Hedîse, îstasyonê muayeneyî yê wesayîtan ê Dîyarbekirî de ame meydan.

Goreyê agahîyan, şofêrêk, semedo ke wesayîtê ey muayene ra nêvîyart, hêrs bi û wesayîtê xo veşna.

Bi xeberdayîşî ser o, ekîbê îtfaîye û polîsî ameyî cayê hedîseyî. Adir, bi mudaxeleyê kesanê derûdorî û ekîbanê îtfaîye ame hewnakerdiş.

Wesayît bi temamî zerar dî û bi sey wele. Derheqê hedîseyî de tehqîqat ame destpêkerdiş.