Fatma Yılmaz
Şewa bîne cayê Tîyatroyê Bajarî yê Amedî de kayê Strip-Tease ke açarîyayo bi Zazakî ame kaykerdiş.
Kayê nuştoxê kayan Sławomir Mrożekî yo bi nameyê Strip-Tease bi ziwanê ma de Amed de ame kaykerdiş.
Tîyatroyê Bajarî yê Amedî kayê nuştoxê Polonyayî Sławomir Mrożekî Amed de bi zazakî pêşkêş kerd.
Kayê tîyatroyî emşo zî eynî ca de saete 19.30 de do bêro kaykerdiş. Kay do mabênê rojanê 10 û 11ê Teşrîna Peyêne do reyna bêro ramojnayîş.
Kayê bi nameyê Strip-Tease hetê nuştoxanê Zazakî Newsî ra Mehmed Olmezî ra açarîyaya bi ziwanê ma. Kaykerdoxê kayî zî Lokman Baran, Elvan Koçer û Sena Ozbey ê.
Kayê Strip-Tease ser o;
Kayê Strip-Tease de ma vînenê ke karekterê ma kewtê halêkê ecêbî û bîyê sey yewbînan û tesîrê tehda(destî) de manenê ke wazenê xo tira bixelisnê. No hewldayîşê karekteran ê xelisayîşê tehdayî, mojneno ma rê ke roja ma ya ewroyêne de zî şar vera sîstemî de hewl dano ke xo tehda ra bixelisno la se bikero zî nêeşkeno xo biresno encam.
No kay rey-rey ma dano huyayîş û ge-ge beno sebep ke ma bifikirîyê.
Şima eşkenê nê lînkî ser ser ra bilêtanê xo bierînê.
Zazakî News
