Serekê Amedsporî Aziz Elaldı derheqê sezonê neweyî de vano, ““Ma qayîlê bibê sey Bercelona. Bercelonayê dinya yo newe do Amedspor bo "
Serekê Kûlubê Amedsporî Aziz Elaldı derherqê armancê Amedsporî yê sezonê vernîya ma de kombîyayîşê çapemenî viraşt. Xeylê dezgeyê çapemenî ameyî kombîyayîşê çapemenî.
Ma do bibê sey Barcelona
Elaldıyî qisêkerdişê xo de va ke” Ma emser futbolbazê ciwanî transfer kerdê û ma ekîbêka weşe awan kerde. Ma emser 21 futbolbazê neweyî transfer kerdê. Ma taximêko bi qalîte awan kerdo. Heto bîn ra Îdarekerê ma zafê xo karsaz ê. Ma do sey şîrketêk Amedsporî îdare bike. Seke zanîyeno sezonanê verînan de ma rê zaf neheqî ameya kerdiş. Ma qayîlê emser rîpelêko newe akerê. Û ma qayîlê bibê Barcelonayê na mintiqa.”
