ZAZAKÎ NEWS - Goreyê raporê Meclîsê Weşîya Karkeran û Ewleyîya Karî (ÎSÎG), aşma Temmuze de en kemî 204 karkerî wextê karî de merdê. Bi na hûmare, hewt aşmanê verênan ê serra 2025î de hûmara karkeranê ke merdê resa 1165 kesan.
Goreyê raporî, aşma Çeleyî de 180, Sibate de 124, Adare de 159, Nîsane de 156, Gulane de 178 û Hezîrane de 164 karkerî wextê karî de merdbî.
Parekerdişê mergan goreyê sektoran seba aşma Temmuze wina yo: sektorê sanayî de 59, xizmet de 43, înşaetî de 48 û zîretî de zî 54 karkerî merdê.
9 tutî, 9 cinîyî û 7 koçberî merdî
Na aşme, karkeranê ke merdê ra 9 hebî tutî bî.
Mabênê 14 serran û cêr de: 3 tutê karkerî
Mabênê 15-17 serran de: 6 gedeyî/ciwanî
Mabênê 18-29 serran de: 47 karkerî
Mabênê 30-49 serran de: 80 karkerî
Mabênê 50-64 serran de: 52 karkerî
65 serran ra berz: 10 karkerî
Serra 6 karkeran zî bellî nêbîye.
Reyna, karkeranê ke na aşme merdê ra 9 teneyî cinîyî û 7 teneyî zî koçberî bîy. Tena 8 teneyî (se ra 3.92) endamê sendîqayan bîy. 196 karkerî (se ra 96.08) bêsêndîqa bîy.
Bajaranê pîlan sey Stenbol, Anqara û Îzmîrî reyna rêza yewine de cayê xo girewt. Bajarê bînî nê yê:
Eskîşehîr, Bursa, Antalya, Denîzlî, Hatay, Manîsa, Dîlok, Mereş, Konya, Aksaray, Çorum, Duzce, Kutahya, Meletî, Mersin, Muğla, Rize, Samsun û Uşak.
