Endamê Heyetê Îdareyî yê Baroya Stenbolî, avukato kurd Firat Epözdemir, Firgehê Stenbolî de ame tepiştiş.
Goreyê xebera Fahrettin Öztürkî ya Rojnameya Cumhurîyetî, Firat Epözdemir bi sucê "endametîya rêxistina terorî ya çekdare" ameyo tepiştene.
Serdozgerîya Komare ya Stenbolî îddîa kerde ke Epözdemirî serra 2015î de grûba WhatsAppî ya "Diren Cizre" de ca girewto û "fealîyetanê rêxistinî rê beşdar bîyo."
Epözdemirî hesabê xo yê medyaya komelkî ra 21ê Çeleyî de îlan kerdbî ke bajarê Strasbourg yê Fransa de Dadgeha Heqanê Merdiman ya Ewropa de pêvînayîşî kerdê, ewro agêrayo û Firgehê Stenbolî de ameyo tepiştiş.
Keyeyê Epözdemirî û ofîsê avukatîya ey rê zî polîsan operasyon kerd
Baroya Stenbolî beyanatê xo de reaksîyon nîşanê tepişyayîşê Epözdemirî da.