ZAZAKÎ NEWS - Serekê MHPyî Devlet Bahçelî, dima ke merasîmê çekveradayîşî yê PKK'yî bi, peyamêk şawito Selahattîn Demîrtaşî rê û vato, "Seba ke no netîce ame meydan, keda ey zaf ercîyaye û bitesîr bîya. Eke şima bi na wesîle sipasîyanê mi ey rê biresnê, ez do zaf kêfweş bibî.”
Vizêr, Eşkefta Casenê ya Silêmanîye de merasîmê îmha û vêşnayîşê çekan ê gerîlayanê PKK'yî amebi viraştiş.
Goreyê agahîyanê ke rojnameyê Serbestiyetî pare kerdê, Serekê MHPyî Devlet Bahçelî, dima ke merasîmê çekveradayîşî yê PKK'yî qedîya, bi têlefon avukatê Selahattîn Demîrtaşî gêra.
Bahçelî, seba ke Demîrtaşî rê bêro resnayîş, wina vato:
“Seba ke no netîce vejîya werte, keda ey zaf ercîyaye û bitesîr bîya.
Bi na wesîle, eke şima sipasî, silam û hurmetanê mi ey rê biresnê, ez do zaf kêfweş bî.”
Ame vatiş ke avukatê ey no peyam resnayo Demîrtaşî.
Demîrtaşî zî peyamêk Bahçelî rê nuşto û seba paştîdayîşanê ey sipasî, selam û hurmetê xo pêşkêş kerdî.
