ZAZAKÎ NEWS - DEM Partî eşkera kerd ke Hemsereka Şaredarîya qezaya Silopî ya Şirnexî Jiyan Ormanli, bi waştişê "partî ra eştişê qetî" şirawita Heyeta Dîsîplînî ya partîye.
Heyeta Rayberîya Herêmîyan a Demokratîkan a DEM Partî, bi yew eşkerayîya nuştekîye sebebê nê qerarî rêz kerdî:
- "Jiyan Ormanli vera sîstemê hemserekîye de meylê negatîf ramocnayo,
- Kulturê rayberîya pêroyî (muşterekî) qebul nêkerda,
- Qeraranê partîye nas nêkerda,
- Nêeşkaya ke waştişanê şarî yê derheqê şaredarîye de bîyara ca."
Unca zî ame destnîşankerdene ke kerdenê Jiyan Ormanli polîtîkayê rayberîya herêmîyan ê DEM Partî reyde pê nêgênê.
Eşkerayîya fermî ya DEM Partî
“Jiyan Ormanli, demê hemserekîya xo ya şaredarîye de semedo ke vera sîstemê hemserekîye de vinderta, qerarê partîye nas nêkerda, babetê şaredarîye de nêeşkaya cewabê waştiş û hêvîyanê şarî bida, û semedê kerdişanê aye yê ke polîtîkayanê ma yê rayberîya herêmîyan reyde pê nêgênê, bi waştişê eştişê qetî yê partî ra, şirawîyaya Heyeta Dîsîplînî ya Merkezî ya DEM Partî.”
