Mehmet Ay
Ez bi di nuşteyî qalê perwerde û pergale kena. Eno hewte de zî ez wazena binusî. Perwerde yew mewzuyo derg o. Eno hewte ma qalê ferqê perwerdeyê ê dewletê ke averdeyî û yê Tirkîya biker û ma biewnî perwerdeyê înan ra. Hewteyo ke şi ma va înan de caardene zaf o ma de zî teorî zaf o. Eke ma vanî ma biresê înan gere ma zaf bişixulî. Tîya ra demêk ver ê ez beşdarê yew konferansê perwerdeyî bîya. Uca de yew zanyaro îngîlîz xebêr da. Va "eke şima wazenî aver şiyêrî şima gere perwerde û pergala xo bibedelnî. Perwerdeyê şima tapa kewto û pergala şima zî çin ya.
Wendegehanê şima de tewr zaf teorî yo. Mesela ma de Lîseyê Teknîkî zêdeyî. Enê lîseyî karanê teknîkîyan ser o vindenî, wexto ke wendekarî mezûn benê gureyê înan amade yo. Dima unîversîte yena. Unîversîteyê ma zî teknîk zêde yo sey teorîyî. Eke Nimune, zaf marqa lîseyê ma est î." Mi zî xo bi xo va ke seba çi ma de çin ê bî. Çinayê ma înan ra kêm o. Ewro lîse û unîversîteyê ma verba perwerdeyê xo tabidî caardişî, ma zî aver şinî, gedeyê ma zî benê wayîrê yew îstîqbalî.
Mewzuya diyin ez qalê Mamosteyan bikerî. Awropa de Mamosteyî zaf biqîmet î. Heqê înan dêyeno û hewcedarê kesêk nêbenî. Dewletê awropa Mamosteyanê xo verba wendekaran û keyeyê înan de pawenê. Ê timûtim nêeşkenî şiyêrî wendegeh û zirar bidê Mamosteyan ro. Dewlete înan muhefeze kena. Eno tewir yew perwerde û pergale de Mamosteyî zî û wendekarî zî aver şinê. Labelê, ma de zî eno tewir nêbo ma zî averşiyayîş nêvînenê. Ma timûtim tapa manenî. Payîyê Homayî bibên.
