ZAZAKÎ NEWS - Goreyê Rêxistina Heqanê Merdiman a Hengawî, rejîmê Îranî ewro serê sibayî Hepisxaneyê Merkezî yê Urmîye de 3 hepsîyê Kurdî bi îdam kerdî û verê îdamî destur nêda ke wa hepsîyî keyeyanê xo bivînê.
Hepsîyê Kurdî yê ke ameyî îdamkerdene, nameyê înan nê yê: Îdrîs Alî û Azad Şoecaîyê Rojhelatîjî û Resûl Ehmed Resûlo Silêmanîyeyij.
Rêxistina Hengawî da zanayene ke îdamkerdişê nê hepisîyan bi mîyankî û heqê înan ê pêvînayîşê peyênî yê bi keyeyanê xo reyde, destê înan ra ameyo girewtene.
Îşkence û muhakemeyo bêheq
Goreyê malumatanê ke Hengawî pare kerdê; her hîrê girewteyî zî Temmuza 2023î de hetê Wezaretê Îstîxbaratî yê Îranî ra ameybî destbendkerdene û neqlê merkezê destbendkerdişî yê Urmîye bibî. Ame vatene ke ê uca de rastê îşkenceyanê giranan ameyê, pê îşkence bi zorî îfadeyê înan ameyirewtene û heqê înan ê muhakemeyêko adîlane ameyo binpaykerdene.
