Salîha Akkaş (40) a ke wezîfedara Parlamentoyê Tirkiya bîye û çend rojî verî Anqara de hetê mêrdeyê xo ra amebî kiştiş, cenazaya aye welatê aye Çewlîg de amey definkerdiş. Eşkera bi ke Akkaş bi eslê xo Çewlîg ra ya.
Salîha Akkaş, a ke Koma CHPyî ya Parlamentoyî de xebitîyêne, 5ê Tebaxe de hetê mêrdeyê xo Salih Akkaşî (45) ra keyeyê xo de bi 37 derbeyanê kerdî amebî birîndarkerdiş û nêweşxane de wefat kerdbî.
Her çiqas ke derheqê aye de qerarê pawitişî estbî zî, no qerar nêeşka aye bipawo.
Tazîyeya aye bajarê Çewlîgî semte Uydulent de ame ronayîş.
Ame zanayîş ke keyeyê aye dewa Mûradan ra yo û peynameyê aye yo raşteqîn Ozan o. Babîyê aye zî Çewlîg de esnafê sanayî yo.
Ewro Xeylê parlamenter, temsîlkarê partîyanê sîyasîyan û sazîyanê cimatê sivîlî kiştişê Salîha Akkaşî şermezar kerd. DEM Partî zî pare kerdbi ke Salîha herçiqas ke muracatê sazîyanê mehkeme kerdbi zî, nêameya pawitiş.
