Nê serranê peyênan de şîrketêka madenî dewa Dara Henî Awnîk (Tr Gözertepe) de çend serrîyo ke sifir (paxir) vejena. Na şîrkete ke nameyê ci Dîmîn a nika wazena ke dewa Licê Kormîcî de zi paxir (sifir)î biveja û biroşa.
Hewteyêk vere cû dewe ra di hebê cinî û yew gede/qij şîyê hetê xebatkerê Madenî kê wa dewe ra şîrê û tesîsa newe nevirazê. Dima zi gerreyê cinîyan û ê gedeyî amebî kerdene. .Qereqolê Licê gerreyê Şîrkete ser îfadeyê qîj û ciniyan girewtibi.
Vizêr zî parlementera Dîyarbekîrî ya DEM Partî Adalet kaya û komelê Ekolojî, sazgehê ekolojîyê Ohd û Baroyî şiyê dewa kormîcî. Hem dewîjî hem zî beşdaroxê komeleyan yew rayirşiyayîş kerd. Awukatê Baroyê Dîyarbekirî yê komela ekolojî Ahmet Înanî eşkere kerd ke na xebata Şîrketî hetê huquqî ra şaş oa .Çînkî verê xebate, ganî malûmatê keso zaneye (tr bilirkişi) nêameyo hedrekerdiş. Ma do her tim heqê xozayî bipawê.
