Sopranoya Kurd Pervîn Chakar badê turneya Ewropa yena Tirkîya û konserê xo yê yewinî Amed de dana.
Sopranoya Kurd Pervîn Chakar aşma Adare ra nata Ewropa de konseran dana. Pervîn Chakar a ke bi eslê xo Mêrdînij a 27ê Nîsane de Amed de Merkezê Kongre û Kulturî yê Sezai Karakoçî de konserê xo bido.
Sopranoya Kurd Pervîn Chakar konserê xo de kilamanê Kurdkî (Kurmanckî-Zazakî) vaja. Pawîyeno ke do seyan kesî Amed de şêrê konserê aye û a zîzîyafetêkê muzîyo weş pêşkêşê mêmananê xo biko.
Kesê ke wazenê şêrê konserê Pervîn eşkenê nê lînkî http://biletinial.com ser ra bilêtanê xo bierînê.
Pervîn Chakar kam a?
Pervîn Chakar serra 1981 de qezaya Mêrdînî Dêrika Çiyayê Mazî de ameya dinya.
Serra 1995î de Lîseya Hunerî ya Anadoluyî ya Amedî de dest bi perwerdeyî kerda.
Serra 2003î de Zanîsgeha Gazî ya Anqera, Beşa Hunerî ya Vengî wenda.
Chakar serra 2008î Konservatuarê Dewlete ya Perugîayî de sewîyeya “Tewri başe” de destûrname girewta.
Hunermenda Kurd Pervin chakare xeylê musebaqayanê Opera yê muhîman de xelate girewta.
