ZAZAKÎ NEWS -Wezîfedara Parlamentoyê Tirkiya Salîha Akkaş (40), a ke vizêr hetê mêrdeyê xo ra bi kerdî amebî birîndarkerdiş, ewro wefat kerd. Akkaş ke Koma CHPyî ya Parlamentoyî de xebitîyêne, verê cû seba pawitişê xo muracatê mehkema kerdbî.
Salîha Akkaş, 5ê Tebaxe de, hetê mêrdeyê xo Salih Akkaşî (45) ra keyeyê xo de bi kerdî amey birîndarkerdiş. Ame zanayîş ke mêrdeyê Salih Akkaş 37 derbeyê kerdî dayê cinîya xo ro.
Salîha Akkaş, bi xeberdayîşî ser o wedariîya nêweşxaneyêko xusûsî yê Anqara, labelê ewro wefat kerd.
Ame zanayîş ke Salîha Akkaş verî ra seba pawitişê ewleyîya canê xo muracatê mehkema kerdbi û derheqê aye de qerarê pawitişî amebî dayîş. Labelê, na pa nê qerarî, mêrdeyê aye keyeyê aye de a bi kardî kişte.
Xeylê parlamenter û partîyanê sîyasîyan bi eşkerayîyan kiştişê Salîha Akkaş şermezar kerd.
DEM Partî zî pare kerd ke Salîha her çiqas ke seba pawitişê canê xo muracatê sazîyanê mehkema kerdbi, labelê nêameya pawitiş û cuya xo vîndî kerd.
